General Santos City–Bingkil ang gitudlong motibo sa pagpanunggab sa biktimang si Roger Catague, 37 anyos, residenti sa Purok 1, San Vicente, Barangay Labangal, Gensan.
Nasayran nga suspek sa pagpanunggab mao silang Jay Masaglang ug alias Jimboy, 17 anyos pulos residenti sa maong lugar.
Sumala ni SPO1 Jun Jun Paderes, desk Officer sa Police Station 2 nga nag inum matud pa nag biktima uban sa mga suspek, apan sa tunga tunga sa ilang inum, naglalis matud pa ang mga nasangpit nga misangko sa pagpanunggab.
Dugang pagbutyag ni Spo1 Paderes nga ayha nahitabo ang pagpanunggab, gisuwayan pa sa biktima nga mulikay sa away, pinaagi sa pag-uli sa ilang balay ug pagkabo ug tubig.
Apan siya gisundan sa mga suspek dayon gidunggab unom ka higayon igo sa nagkandaiyang parti sa lawas.
Daling gidala sa ospital ang biktima samtang mga suspek daling misibat sa wala masayring lugar. Sa karon gihuwat nalang sa Police Station 2 ang desisyon sa pamilya sa biktima kung ila bang pasakaan ug kaos ang mga suspetsado.
