Giduso nga reward system alang sa motestigo sa mga krimen sa Gensan, wala gi-uyonan sa usa ka konsehal

General Santos Cityโ€”Nagduha-duha si City Councilor Atty. Jeng Gacal, Chairman sa komitiba sa finance sa konseho bahin sa giduso nga oridinansya ni Kagawad Edmar Yumang nga mao ang reward system aron duna gayuy tawo nga mo-testigo sa mga krimen nga nagakahitabo sa syudad.
Nasayran nga tumong ni Konsehal Yumang sa pag duso sa maong ordinansya, aron mapadali ang pagresolba sa kaso. Nasayran nga usa sa mga problema sa kapulisan matag adunay matigayong krimen sama sa pagpamusil, sagad walay testigong mitumaw mao nga adunay mga kaso nga wala nahatagan ug kasulbaran.

Apan gihingusgan ni Kagawad Gacal nga alang kaniya maayo man ang reward system apan nabalaka lamang kini nga basin maabuso ug gamiton sa dili maayo ang maong reward system. Usa sa mga gikabalak-an sa konsehal nga basin ug bisan si kinsa nalang ang itudlo nga mahimong witness o itudlo nga suspek tungod sa reward.

Samtang sa kabahin man usab ni Police Colonel Aden Lagradante , City PNP Director sa Gensan City Police Office nga dako siyang pabor sa reward system tungod iyang nakita nga pinaagi niini dakong matabang sa kapulisan alang sa pagsulbad sa mga kaso sa patay sa syudad gumikan kay maawhag ang katawhan nga motestigo tungod sa reward nga ilang madawat. (RV)


Facebook Comments