Davao City – Patay sud sa Southern Philippines Medical Center ang usa ka piniriso sa Davao City Jail niadtong adlaw’ng Sabado sa hapon.
Nakabsan sud sa SPMC ang piniriso nga si Lucio Esa, 46 anyos, minyo, ug nagpuyo sa Barangay 76-A ning siyudad samtang gitambalan ni Dr.Marjorie Faye ang gihambin niini nga balatian 1:05 sa hapon niadtong Sabado.
Nakasinati matud pa og cardiogenic shock si Esa rason sa iyang kamatayon kini base sa deklarasyon ni Dra.Niera sa SPMC.
Nasayran nga kalit lang matud pa natumba sud sa Selda 8 si Esa mao dali kini gitabang ni Jail Officer 1 Fernando Gornes kinsa ang on duty nurse apan wala na’y panimuot ug wa na naglihok ang biktima 9:00 sa buntag niadtong Sabado.
Daling gisapupo si Esa sa SPMC apan di malas tungod nakabsan gihapon sa kinabuhi ang inmate human sa pila ka oras nga pagtambal kaniya sulod sa balay tambalanan.
Ang patay’ng lawas anaa na karon sa morgue sa ospital.
RadyoMaN Joel Viray
