Dugang pa ni Atty. Magbutay, nga ila nang gitugyan sa P-N-P ug A-F-P ang listahan sa mga dapit nga gikonsiderar nga area of immediate concerns.
========================
*Mga tawong masikop nga magdala og armas panahon sa Brgy. ug SK election ning tuiga, mag-atubang sa mas bug-at nga kaso. *
Hayan mag-atubang sa bug-at nga kaso ang si kinsa mang masikop nga magdala-dala og armas, panahon sa election period alayon sa Brgy. ug SK election sa Mayo ning tuiga.
Gibutyag ni PNP-10 regional spokesperson Supt. Lemuel Gonda, nga dakong tabang alang kanila ang gipatumang Martial Law alang sa epektibong pagpatuman sa balaod sa piliay.
Dugang pa ni Supt. Gonda, nga sugdan ang pagpatuman sa election gun ban sa Abril katorse hangtod Mayo 21 ning tuiga.
==========================
*President sa TAXI operators, nanawagan sa local nga kagamhanan*
Nanawagan karon si Dodong Clemenia, ang presidente sa taxi operators ning dakbayan ngadto sa lokal nga kagamhanan nga hatagan sila og prayoridad ug dili ang mga unmarked vehicle.
Tungod niini, iyang gihangyo ang syudad hatagan sila og kasigurohan nga dili mawala ang mga taxi kon ugaling mosulod na sa dakbayan ang Grab a car, aron usab nga dili sila mawad-an sa panginabuhian.
Gumikan niini, giaghat ni Mr. Andre Chavez ang manager sa Grab manager ang mga taxi operator nga adunay tulo ka tuig na nga sakyanan paubos, nga mag-apply sa L-T-F-R-B aron nga mahimong grab a taxi ang ilang mga sakyanan.
Kini tungod kay dili matud pa mahimong dugangan ang sakyanan sa syudad, gumikan sa problema sa trapiko ug aron nga makunhoran ang pagkabukog sa trapiko sa syudad, himuon na lamang grab taxi ang ubang taxi ning dakbayan.
============================
*Giinstalar nga girders sa Kibungsod bridge sa Magsaysay Misamis Oriental, nahuman na *
Natapos na kagahapong adlawa ang giinstalar nga girders sa Kibungsod bridge sa Magsaysay, Misamis Oriental, human kini gisugdan og trabaho niadtong Lunes sa Department of Public Works and Highways Region 10.
Tungod niini, ang, nga ang maong tulay gisirad-an gikan sa alas kwatro sa kadlawon ngadto na sa alas singko sa hapon, hinuon adunay gipatuman ang DPWH-10 nga usa ka oras nga interval aron makaagi ang mga motorista.
Matud ni DPWH-10 spokesperson Vinah Maghinay, nga ila kining gihimo tungod kay walay laing alternate nga dalan nga mahimong maagian sa mga motorista.
