General Santos City—Hingpit nang gipasakaan ug kasong kalapasan sa RA 9165 ang dinakpan sa Police Station 4 sa pakig-alayon sa PDEA-12 nga si Bonifacio Romanos, 27, driver ug residenti sa Purok San Vicente, Barangay Olympog, Gensan kansa una nang nadakpan sa gihimo nilang ronda niadtong nakalabyang adlaw.
Kahinumduman nga nakuhaan ug ubay-ubayng sachet sa gituohang shabu ang panimalay sa suspek dihang gi-emplementar sa kapulisan ang Search warrant batok sa nahisgutan.
Nasayran nga una nang nakadawat ug impormasyon ang Police Station 4 bahin sa iligal nga gimbuhaton sa suspek mao nga gironda ang panimalay niini.
Sa karon pabiling balhog sa silda sa Police Station 4 ang nasangpit nga suspek.
Facebook Comments
