General Santos City—Mireklamo sa buhatan sa Police Station 4 ang usa ka 28 anyos nga babaye human nga gikawatan ug halok sa iyang kaubanan sa trabaho.
Ang biktima itago lang sa pangalang Alias Lorna, 28 anyos, minyo usa ka Cashier, ug residenti sa Bukidnon ug temporaryong nagpuyo sa Gensan, samtang ang suspek giilang si Andrew, 27 anyos nga residenti gihapon sa maong syudad.
Subay sa reklamo sa biktima sa kapulisan nasuta nga human ug trabaho sa nasangpit nga cashier nakahigayon kini ug selfie, dihang kalit lang nga niapil ang suspek sa pagselfie kaniya.
Apan kalit lang nga gihalokan sa suspek ang reklamante sa iyang liog butang nga gikasuko sa nasangpit.
Tungod sa gihimo nga paghalok sa suspek, gilayon nga midangop sa buhatan sa San Isidro Police Station ang biktima aron nga mahatagan ug hustisya ang nahitabo kaniya.
