Davao City – Pormal nang nakapasaka og kasong administratibo sa City Internal Affairs Service si Loui Hermocilla, ang police auxiliary nga nag akusar ug pagpangulata batok kang Police Captain Nolan Tagsip, hepe sa Special Operations Group.
Ang police auxiliary giubanan sa iyang asawa nga si Leah Hermocilla mipasaka sa iyang reklamo batok sa opisyal sa kapulisan human makabaton ug mga bun og sa kalawasan sa pagpangulata kay gisuspitsahang maoy nagpatay sa retired seaman sa Brgy Sasa, Davao City.
Subling gisaysay ni Hermocilla sa mga sakop sa CIAS ang iyang nasinatian gikan sa kamot ni Polce Capt. Tagsip sa diha kining giimbitahan aron kwestyunon sa iyang kalambigitan sa kamatayon sa retired seaman.
Sumala ni Hermocilla nga buot siyang paangkunon ni Tagsip sa krimen nga wala siyay kasayuran nga maoy tinubdan sa pagpangulata sa opisyal sa pulis.
Kahinumduman nga nahitabo ang insidenteng pagpangulata sulod mismo sa opisina ni Major De Guzman, chief of police sa Sasa PNP.
Nagkanayon si Police Major Alvin Cahilig, hepe sa CIAS nga human ilang ma evaluate ang mga dokumentong giduso ni Hermocilla ug matubag usab dayon ni Tagsip sugdan gilayon ang pagdungog sa kasong administratibo.
Nagpahinumdom si Major Cahilig sa tanang police nga aron makalikay sa susamang mga kaso angay tumanon ang police operational procedure aron nga dili magka kompromiso.
RadyoMaN Erin Lumosbog
