Sara: Davao City andam sa MGCQ

134

Davao City – Wala pay opisyal nga pamahayag kung unsa ang mamahimong ‘quarantine classification’ sa syudad sa Davao human sa June 30, 2020.

Matud ni Davao City Mayor Sara Duterte-Carpio nga paaboton lamang ang mamahimong ‘official announcement’ gikan sa Inter-agency Task Force (IATF) o kaha sa presidente labot sa mamahimong ‘quarantine status’ sa Davao City sa July 1, 2020.


Sa pangutana kung andam na ba ang Davao sa pagpailawom sa syudad sa Modified General Community Quarantine (MGCQ), gisaysay sa mayor nga pwede na nga mag MGCQ ang dakbayan kung basehan ang kasamtangang kaso apan kinahanglan nga magbaton og assessment human sa duha ka semana.

“Kung karon ang basehan nato, okay lang. Pero dapat siya i-assess after two weeks kay on MGCQ mas daghan na gyud ang mugawas ana kay very relax kaayo ang MGCQ,” saysay sa alkalde.

Subling gitataw sa alkalde nga dili kinahanglang pirmi ipahimutang sa istrikto nga quarantine ang usa ka lugar labi na nga wala pay medisina, bakuha o kaha milagro batok sa Coronavirus Disease 2019 (COVID-19).

RadyoMaN Kirby Manzon

Facebook Comments