Sultan Kudarat – 1 ang nakabsan ug kinabuhi samtang 20 ang angol sa nahitabong pagbusikad sa Granada sa usa ka birthday party didto sa Barangay Palumbi, Lambayong, Sultan Kudarat niadtong nakalabayng adlaw.
Ang namatay giilang si Jomar Ubaldo, 15 anyos, residenti sa maong lugar. Subay sa inisyal nga imbistigasyon sa kapulisan nasuta nga ayha nahitabo ang pagpanglabay ug Granada, gipusil sa wala mailhing suspek ang uyuan sa pulis nga si Jerome Balaba kansa nakaangkon ug samad sa lawas human sa pagpamusil.
Dihang pasibat na ang suspek iyang naagian ang balay nga may birthday party, didto na niya kini gilabayan ug Granada dayon misibat sakay sa motorsiklo padulong sa wala masayring lugar.
Daling gipangdala sa ospital ang mga angol apan nakabsan gyud sa iyang kinabuhi ang minor de edad. Sa karon padayon ang ginahimong imbistigasyon kalabutan sa maong insidenti.
