Davao City-Dili makatarunganon ang gilaraw nga pagwagtang sa budget sa Commission on Human Rights kun CHR.
Sa interview sa Straight to the Point program sa DXDC RMN Davao kang Gabriela Partylist Representative Emie De Jesus, sumala niya nga tungod kay nagpakita lamang kini sa ilang mga personal interest.
Matud ni De Jesus usa kini ka Anti-People, tungod kay wala kini nagtumong sa kadaghanan.
Gipasabot ni De Jesus, bisan ug walay police power ang Commission on Human Rights, apan mahinungdanon kini tungod kay mamahimo siyang makatuki kabahin sa human rights violation nga nagkinahanglan ug pondo.
Nabalaka usab siya nga kung mahitabo kini sa CHR, mosamot ang daghang kaso sa paglapas sa tawhanong katungod.
Samtang gisugyot usab ni De Jesus, nga dili wad-on ang mga Partylist, kundi ang usabon mao ang balaud tungod kay dunay mga partylist nga wala magdala sa tinuod nga kahimtang sa mga tawo nga nagkinahanglan ug tabang, dili sama sa Makabayan Partylist nga nagtumong gayud sa kahimtang sa katawhan.
Giklaro usab ni De Jesus, dakog epekto alang kanila kung wala na silay budget tungod kay dili na nila mahimo ang ilang mga proyekto ug programa alang sa katawhan.
“ Masyadong self serving doon sa mga ang interest lang nila ay i-push yung mga agenda nila na Anti-People ”
Kasamang Bernard Pantallon
