General Santos City–Ospital ang gidangatan sa usa ka alyas Lorna, 36, ug temporaryong nanimuyo sa usa ka boarding house nga nahimutang sa Barangay Lagao, Gensan, human nga gitigbas sa iyahang live in partner alas 9.00 pasado ang takna sa gabie.
Nasayran nga nakaangkon ug samad ang biktima sa iyang wala nga bahin sa iyang tuhod samtang nakaangkon usab kini ug mga bun-og sa nawong human nga gisumbag sa suspek.
Gikaingong hubog ang live in partner sa biktima dihang miabot sa ilang panimalay. Naglalis ang mga nasangpit nga misangko ngadto sa pagpanigbas.
Hinuon dili man usab grabe ang samad nga naangkon sa biktima ug nakagawas gilayon kini sa Dr. Jorge Royeca Hospital human nga nadapatan ug tambal sa iyang doctor. (Dave Silagan)
Facebook Comments
