General Santos City—Sikop alas 5:30 sa hapon sa nakalabayng adlaw sa operatiba sa Police Station 2 ang usa ka 17 anyos nga bading human iyang gimolestya ang iyang 6 anyos nga lalaking pag-umangkon.
Suspek itago lang sa pangalang alyas Bong, 17 anyos, residenti Barangay Apopong ug lumad nga taga Sultan Kudarat .
Subay sa sumbong sa apohan sa bata ngadto sa kapulisan nga iyang gibilin ang iyang apo ngadto kang alias Bong gumikan aduna matud pa kini giadtuan, pagbalik niini didto na misumbong ang iyang apo nga matud pa siya gimolestya sa iyang uyuan.
Tungod niini gilayong mireport sa Police Station 2 ang apohan aron ipadakop ang batan-on.
Tungod minor de edad ang suspek, giturn-over sa Police Station 2 ngadto CSWD apan gikatakda gihapon kining kasuhan human sa iyang gihimo sa 6 anyos niining pag-umangkon.
