ISABELA, NEGROS OCCIDENTAL – Isa na naman ka soltero ang nagtuyo nga maghikog kagab-i sa banwa sang Isabela bangud gid lamang ini ang gin-akigan sang iya amay.
Ang biktima isa ka 19-anyos nga lalaki kag pumuluyo sang isa ka barangay sa amo nga banwa.
Suno sa amay sang biktima nga iya gin-akigan kagab-i ang iya bata sa wala gintumod nga rason kag wala gid siya naglaum nga ini ang ginbatyag gid gali sang iya anak.
Pasado las 7 kagab-i, nakibot ang amay sang biktima nga sang iya pagsulod sa kwarto, nakita niya nga nagabitay na ang biktima gamit ang kalat nga pang-lawig sa karabaw.
Nag-angkon sang lagub sa iya li-og ang biktima kag padayon karon ginabulong sa Corazon Locsin Montelibano Memorial Regional Hospital./dyHB BACOLOD
Facebook Comments
