Nagtuga sang pagka-alarma sa mga huwes kag prosecutors ang panibag-o naman nga pag-atake sa hudikatura matapos ginluthang-patay ang RTC presiding judge sa Ozamis City, Misamis Occidental kaina sang hapon.
Ginkilala ang ginpatay nga hbuwes nga si RTC Branch 15 Presiding Judge Edmundo Pintac.
Suno kay Regional State Prosecutor Merlynn Uy nga nagapuli na sa iyha apartment si Pintac sang ini ang ginbangaan kag gin-ambush sang wala matumod nga mga suspek.
Gilayon nga napatay si Pintac bangud sa naagum sini nga mga kapisalan sa nagkalain-lain nga bahin sang lawas.
Si Pintac ang nagauyat sang mga kaso may kaangtanan sa illegal drugs nga ginalamitahan sang mga tinawo sang Parojinog Drug Syndicate.
Facebook Comments
