General Santos–Patay ang usa ka myembro sa teroristang NPA kon New People’s Army sa nahitabong engkwentro tali sa Alpha Company sa 73rd Infantry Battalion Philippine Army ug mga sakop sa Guerilla Front 71 ilawom sa pamunuan ni Alyas Baguio nga naga lihokan sa Sarangani Province alas 7:00 ang takna sa gabie sa Sitio Mahayag, Barangay Upper Suyan, Malapatan Sarangani Province.
Sumala pa ni 1st Lt. Lea Canseran ang tigpamaba sa 1002nd Brigade Philippine Army nga nakadawat ug impormasyon ang tropa sa militar sa aktibidadis sa maong grupo sa maong lugar hinungdan nga respondehan.
Mukabat matud pa sa lima ngadto sa napulo ka mga myembro sa NPA ang na abtan sa kasundalohan nga nakig binaylohanay ug bala kanila nga mi tagal usab ug pipila ka minute nga gikamatay sa usa ka NPA member.
Samtang giila ni Lt. Canseran ang napatay nga si Jimmy Ambat usa ka mymbro sa unit militia sa NPA Guerilla Front 71 kung diin naka angkon kini ug samad sa kalawasan nga maoy hinungdan sa iyahang kamatayon.
Milungtad matud pa ug pipila ka ka minoto ang panag-engkwentro kung diin miatras ang mga NPA padulong sa kabukiran nga bahin sa maong barangay.
Gawas sa namatay posible usab matud pang aduna pay samdan sa ubang kauban sa nasangpit human nga daghang dugo ang nakita sa encounter site nga gituohang gikan sa mga nasangpit nga NPA.(Dave Silagan)
