Roxas City, Capiz – Ginpatigayon sang Bangko Sentral ng Pilipinas (BSP) nga mapabayluhan ang kapin P50, 000 pesos nga ‘hard-earned yet termite-mutilated savings’ sang 70- anyos nga tigulang. Si Adonis Buemia, nga manug-deliver sang ice sa sulod na sang halos 30 ka tuig ang nakabakal na sang poluy-an, brand-new tricycle kag nakatipon sang kapin 50, 000 pesos gikan sa 300 pesos sini nga kita kada adlaw! Apisar nga isa ka solo parent kag amo ang naga-alaga sa anak sini nga ‘special child’, nakakatipon si Buemia sang 100 pesos gikan sa income sini. Apang sa malain nga palad, gin-anay ang natipon sini nga kwarta nga nabutang sa cabinet. Mahibaluan nga nangin viral ang nasambitan nga kaso kag ginrefer ini sa BSP kun anu bala ang pwede nga mahimu diri. Pinaagi sa BSP Currency Policy and Integrity Department (CPID), ginapatigayun ang pre-evaluation sa mga nabilin nga kwarta nga ginkaun sang anay. Sang nakaligad nga Agosto 11, 2021, malipayon nga nabaton ni Buemia ang baylo nga kantidad sa cash savings sini nga indi na magamit bangud sa anay. (c) – BSP
