Makabulig kuntani sang daku sa mga mangunguma sa upper valley kon nadayon ang pagtukod sang dam sa bahin sang Lake Holon sa banwa sang T`boli bisan makaeksperyensya sang El Niño tungod sarang nga makasupply ini sang tubig sa irrigation canal, suno kay National Irrigation Officer Orlando Tibang.
Ini matapos nga ginbasura man ang ila nga proposal sang Protected Area Development and Management bisan nga wala sila ginpaisplikar nga iya man nga ginkadismaya suno kay Tibang.
Ginpahayag man ni Tibang nga may mga area man sila nga naidentify dire sa probinsya nga patukuran sang water reservoir, apang ang pamangkot kon magsugot ang mga residente sa lugar tungod maapektuhan sila.
Aminado man ang NIA opisyal nga sa subong wala sila sang mahatag nga water pump sa mga mangunguma nga apektado sang mainit nga panahon tungod alanganin na ka tama.
