Ginahatag nga kwarta sang mga himata sang mga inmates sa South Cotabato Provincial Jail hugot nga ginalimitahan.

Istrikto nga ginapatuman sang pamunuan sang South Cotabato Provincial Jail ang paglimita sang ginahatag nga kwarta sang himata sang mga inmates sa ila agud nga masiguro nga indi magamit sang mga ini sa iligal nga buluhaton.
Sa subong suno kay Warden Juan Lansaderas yara lang sa isa ka libo ka pesos sa sulod sang isa ka semana ang ginapahanugutan nya nga ihatag nga kwarta sang pamilya sa mga inmates.
Samtang welcome man suno kay Warden Lansaderas ang pagdala sang mga himata sang mga preso sang iban nga kinahanglanon sang mga ini, apang subject ini sa maid-id nga inspeksyon agud nga masiguro nga indi makasulod ang mga kontrabandos partikular na illegal drugs sa Provincial Jail.