Nasikop sa mga otoridad kaganihang kadlawon sa Initao, Misamis Oriental ang ika-lima sa target list sa Philippine Drug Enforcement Agency o PDEA Region 10.
Matud ni Police Sr. Insp. Muhammad Arthur Andrin Sakiran, Acting Chief of Police sa Initao Municipal Police Station nga ang suspek mao ang 47 anyos nga si Carmel Tacbobo alyas Mimi taga Purok 6, Barangay Aluna, Initao, Misamis Oriental.
Nakuha gikan ni Tacbobo ang pito ka rectangular heat-sealed transparent cellophane nga dunay sulod gituohang shabu, duha ka aluminum foil strips, celfon ug posporo.
Nasikop ang suspek pinaagi sa hiniusang pwersa sa Initao Municipal Police Station, Provincial Intelligence Branch, Misamis Oriental Provincial Drug Enforcement Unit ug PDEA Region 10 gamit ang search warrant.
Gidugang ni Police Sr. Insp. Sakiran nga dugay nang gapamaligya sa illegal nga druga si Tacbobo.
PC: PRO 10
