Ginapatihan miyembro sang Dawlah Islamiyah Hassan Group patay sa buy-bust operation sa banwa sang Polomolok.

Patay sa ginpatigayon nga drug buy-bust operation sang gintingob nga pwersa sang Polomolok MPS, 1st company Provincial Mobile Force kag PDEA 12 ang suspek sa bahin sang Prk. 8, Brgy. Sulit, South Cotabato.
Ginkilala ang suspek kay Joven Cabalo Saligan, yara sa legal nga pang-edaron, residente sang Prk. 4, Brgy. Lapu sa nasambit nga banwa kag ginapatihan miyembro sang Dawlah Islamiyah-Hassan Group ukon Nilong sub-group.
Suno pa sang namutikan sang suspek nga police officer ang nakatransaksyon nagbunot ini sang armas luthang kag gintiro ang arresting team nga maswerte naman nga wala naigo.
Napilitan naman nga tiruhon sang kapulisan ang suspek kag gilayon man nga gindala sa Pomolok Municipal Hospital, apang gindeklarar ini nga dead on arrival sang attending physician.
Narekober naman sa lugar ang motorsiklo nga ginsakyan sang suspek, P500.00, 38 nga kalibre sang armas luthang, mga bala, isa ka gramo sang shabu nga nagakantidad sang P6, 860.00 kag iban pa.
Samtang nakapalagyo naman ang upod sang nasambit nga suspek.