Patay ang isa ka minero matapos nga luthangon sang riding in tandem criminal sa sa bahin sang Lugan 3, Brgy. Poblacion, T`boli, South Cotabato sang tinalikdan nga adlaw.
Ang biktima ang ginkilala kay Bimbo Maguan Mindal, 35-anyos kag residente sang nasambit nga lugar.
Nakaangkon sang igo sang bala ang biktima sa iya dughan kag kamot gamit ang 45 nga kalibre sang armas luthang nga nangin tunaan sang iya hinali nga kamatayon.
Gilayon naman nga gindala ang biktima sa pinakamalapit nga hospital, apang gindeklarar ini nga dead on arrival sang nag-atipan nga doctor.
Sa imbestigasyon sang T`boli MPS nagapatigayon sang pagball mill ang biktima sang nagpalapit ang mga suspek kag hinali na lang ini nga ginluthang.
Base sa mga testigo nakasuksok suno pa sang face mask, itom nga jacket kag short pant ang gunman, samtang ang driver ang nakasuksok naman sang puti nga t`shirt kag short pant gamit ang Honda XRM nga motorsiklo kag wala sang plate number.
Narekober sa crime scene ang 5 ka basyo sang kalibre 45 sang armas luthang.
Sa subong nagapadayon ang imbestigasyon sang kapulisan sa nasambit nga insidente.
