MURCIA, NEGROS OCCIDENTAL – Ginbuno ang isa ka lalaki nga nagapungko sa tiyangge kagab-i sa atubang sang army detachment sa Brgy. Minoyan, banwa sang Murcia.
Nakilala ang biktima nga si Carlo Anton Cruz, 31 anyos ang edad, kasado kag pumuluyo sang Brgy. Antipuluhan, Bago City.
Suno sa imbestigasyon, mga las 11:30 kagab-i sa atubang sang kampo sang 303rd Brigade, Philippine Army sa Minoyan, ang biktima nga si Carlo ang yara sa tiyangge kag naga inom-inom upod ang iya mga kaabyanan lakip na ang isa ka lalaki nga may diperensya sa pamensaron.
Pahayag sang biktima nga nakibot ini sang hinali nalamang siya nga ginbuno sang amo nga lalaki kag naigo sa iya wala nga tiyan.
Dali-dali nga gindala sa Corazon Locsin Montelibano Memorial Regional Hospital ang biktima kag padayon ini karon nga ginabulong./dyHB BACOLOD
