BACOLOD CITY – Nag-angkon sang duha ka pilas ang isa ka soltero matapos nga ginbuno sang wala makilala nga suspek kagab-i sa Purok Masinadyahon, Brgy. Bata, Bacolod City.
Nakilala ang biktima nga si Joemarie Batangas, 35 anyos ang edad, pumuluyo sang Hacienda Gusa, Brgy. Matab-ang, Talisay City.
Suno sa biktima nga pasado las 11 kagab-i ini siya ang nag-inom inom upod ang iya mga kaabyanan lakip na ang suspek.
Apang, bangud sang hinubog nga sugilanon, ini sila ang nag-away sang suspek kag hinali na lamang siya ginbuno gamit ang sundang.
Duha ka pilas sa iya kilid ang naangkon sang biktima gani ini siya ang gindala sa Corazon Locsin Montelibano Memorial Regional Hospital./dyHB BACOLOD
Facebook Comments
