TALISAY CITY, NEGROS OCCIDENTAL – Ginbuno sang kaangay niya nga estudyante ang isa ka menor de edad sa isa ka high school sa ciudad sang Talisay kahapon sang aga.
Ang suspek hungod nga gintago ang ngalan bangud isa ini ka 14-anyos nga high school student kag pumuluyo sang isa ka barangay sa Talisay City.
Suno sa imbestigasyon sang Talisay City Police Station, natabo ang insidente may mga las 7:30 kahapon sang aga sa sulod sang ila eskwelahan.
Base sa report, nagasuyaay na nga daan ang biktima kag ang suspek sa ila tagsa ka FaceBook account.
Kahapon sang aga, nagsugat-anay ang banas sang duha kon diin nagkuha sang ballpen ang suspek kag iya ginbuno ang biktima.
Naigo sa iya likod kag sa ulo ang biktima gani dali-dali ini nga gindala sa Corazon Locsin Montelibano Memorial Regional Hospital./dyHB BACOLOD
