Nakasulod na sa ika-unom nga pwesto ang Barangay Ginebra human niini gipildi ang Columbian Dyip sa iskor nga 134-107 sa nagpadayong 2018 PBA Commissioner’s Cup.
Tungod sa kadaogan, aduna nay 4-5 win-loss record ang Ginebra kung asa gikan sa ika-napulo nga pwesto anaa na kini karon sa ika-unom kauban ang Magnolia ug GlobalPort.
Samtang miubos usab sa ika-siyam nga pwesto gikan sa kanhi ika-pito ang Dyip nga adunay 4-6 nga record kauban ang Phoenix.
Mibida sa kadaogan sa Ginebra si Justin Brownlee nga adunay 24 points ug 10 rebounds samtang adunay 19 points ang si Japeth Aguilar.
Giangkon usab ni Ginebra coach Tim Cone nga nag-panick sila human milabaw ang Dyip sa pagtapos sa first half.
Facebook Comments
