BACOLOD CITY – Gindala sa ospital ang isa ka dalaga matapos nga ini siya ang nalipungan sang ginhanaan nga labuon sang iya man lamang kaugalingon nga tiyo kahapon sang aga sa Brgy. Granada, ciudad sang Bacolod.
Nakilala ang biktima nga si Crisylyn Benedicto, 20 anyos ang edad, pumuluyo sang Brgy. Granada.
Suno sa biktima nga may mga las 11 kahapon sang aga, nagasugilanon sila sang iya wala ginhingadlan nga tiyo kag sa wala nahibaluan nga rason ini siya ang ginhanaan nga labuon kuntani sang iya tiyo.
Bangud sang sobra nga kakulba kag kahadlok, wala pa man nakatupa ang binangon, ini siya ang nalipungan na kag natumba.
Dali-dali nga gindala sa ospital ang biktima, samtang wala naman nahibaluan kon diin ang iya sini nga tiyo./dyHB BACOLOD
Facebook Comments
