BACOLOD CITY – Nabiktima sang pagpanghold-up ang duha ka mga menor de edad nga kabataan kagab-i sa 16th Street, Lacson, Brgy. 4, Bacolod City.
Hungod nga gintago ang identity ukon ngalan sang mga biktima bangud nga ini sila ang lunsay mga minors nga naga-edad 14 kag 15 anyos.
Suno sa duha ka mga biktima, pasado las 11 kagab-i, samtang nga ini sila ang nagalakat sa dalanon sang 16th Lacson Street, may nagtupad sa ila nga tatlo ka wala makilala nga mga lalaki.
Isa sa ila ang nagasuksok sang ball cap kag itom nga t-shirt kon diin siya ang nag-declare sang hold-up.
Pilit nila nga ginkuha ang kwarta sang mga biktima nga nagabalor 218 pesos kag cellphone nga nagabili 3,500 pesos.
Ginpahayag sang mga biktima nga matapos nakuha sang mga suspek ang ila kwarta kag gamit, gilayon ini sila nga nagpalagyo sa wala nahibaluan nga direksyon./dyHB BACOLOD
