BACOLOD CITY – Ginbuno sang wala makilala nga suspek kag ginhold-up ang isa ka soltero samtang nga ini ang nagalakat sa dalanon sang downtown area sa Bacolod City kagab-i.
Nakilala ang biktima nga si Fritz Michael Canieso, 22 anyos ang edad, pumuluyo sang Brgy. Handumanan.
Suno sa biktima nga may mga las 11:45 kagab-i samtang nga ini siya ang nagalakat sa area sang Gonzaga Street sa downtown halin sa iya trabaho, may suspek nga nagbangga sa iya.
Pahayag sang biktima nga wala pa nakuntento ang suspek nga ini siya ang ginhold-up, ginbuno pa sang lima ka beses si Fritz.
Nag-angkon sang pilas sa iya tiyan ang biktima kag padayon karon nga ginbulong sa Corazon Locsin Montelibano Memorial Regional Hospital./dyHB BACOLOD
Facebook Comments
