Davao City – Angay nga silotan ang mga ginikanan sa mga batang napasagdan diha sa kadalanan o gawas sa balay nga wa mituman sa health protocols sa pagbatok sa COVID-19.
Kini ang opinyon ni Barangay Kapitan Joel Santes sa Brgy. 74-A, Matina Crossing syudad sa Davao subay sa mga suhestyon sa pipila ka mga dabawenyo sa dihang namatikdan nga daghang mga bata sa mga tugkaran nga nagadula nga way facemask gani ang uban nagtapok pa.
Matud ni Kapitan Santes, kinahanglan nga mapakita sa katawhan ang kaseryoso sa gobyerno sa pagkontrolar sa pagkuyanap sa COVID-19 ug sa mga posibleng ipakanaog nga disiplina aron mahadlok ug mutuman ang mga tawo.
Dugang ni Santes, ang ginikanan gihapon ang mag-antos inkaso og matakdan ang ilang mga anak gikan sa makamatay’ng balatian.
RadyoMaN Paul Canono
