Ginkordon na sang mga opisyales sang Hda. Palma, Barangay Andulawan, banwa sang Ilog, ang balay nga ginkadtuan ni Bacolod City Patient No. 18.
Suno kay Punong Barangay kag Ilog ABC President Roman Cabral, ginkuhaan na sang swab test ang miyembro sang pamilya nga ginkadtuan sang pasyente sa nasambit nga hacienda.
Naguwa sa contact tracing sang otoridad nga nagpadulong sa banwa sang Ilog si Patient 18 sadtong Mayo 29.
Matandaan nga Hunyo 5 sang nakabatyag sang sintomas ang pasyente kag naguwa ang resulta sadtong Hunyo 10.
Si Patient No. 18 nga residente sang Barangay Bata, Bacolod City, ang anay driver ni Sixth District Board Member Valentine Miguel Alonso.
Nagnegatibo naman sa COVID-19 si Alonso, iya asawa, secretary, duha ka household staff kag duha ka iban pa.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
