BACOLOD CITY – Padayon karon nga ginabulong sa ospital ang isa ka lalaki nga ginbuno sang pito ka mga suspek kahapon sang hapon sa Brgy. 2, Bacolod City.
Nakilala ang biktima nga si Pocholo Adiba, 45 anyos ang edad, sigle kag pumuluyo sang Doña Juliana Heights Subdivision, Brgy. Taculing, Bacolod City.
Suno sa biktima nga ini siya ang nagkadto sa Purok Sigay, Brgy. 2 pasado la una kahapon sang hapon agud gid lamang kuntani nga magbisita sa iya abyan.
Apang nakibot na lamang siya suno sa biktima sang ini ang hinali nga ginkastigo sang 7 ka mga suspek kon diin ang isa diri sa ila amo ang nagbuno sa iya.
May igo sa ulo, li-og, kamot kag baba ang biktima kag padayon karon nga ginabulong sa Corazon Locsin Montelibano Memorial Regional Hospital./dyHB BACOLOD
