GINKAWAT NGA BISIKLETA, NAREKOBER MATAPOS NGA GINPOST NGA ‘FOR SALE’ SA SOCIAL MEDIA; SUSPEK ARESTADO!

15
Roxas City, Capiz – Yara na subong nakahunong sa karsel sang Roxas City PNP ang 23 – anyos nga lalaki nga suspek sa pagkawat sang bisikleta nga naka-park malapit sa Dinggoy Roxas Civic Center.
Ginkilala ang suspek kay Alvin Jan Estrera y Asuro, pangayaw kag residente sang Barangay Lapuz Sur, Iloilo City.
Nahibaluan nga ang nasambitan nga bisikleta nga ginapanag-iyahan sang 16 – anyos nga pamatan-on ang una na nadula sang nakaligad nga Mayo 6 matapos nga ginpark sini sa Civic Center agud nga maglantaw sang basketbol.
Apang nadakpan ang suspek makaligad nga ginpost sini sa social media paagi sa Facebook nga ‘RUSH SALE’ ang amu nga bisikleta sa balor nga P5, 500.
Natalana nga pasakaan sang nagakaigu nga kaso ang amo nga suspek.
Facebook Comments