NEGROS OCCIDENTAL – (DYHB RMN EXCLUSIVE) May ginatumod na karon nga persons of interest ang mga katapo sang Philippine National Police angut sa ginreport nga paglugos sang duha ka mga suspek sa isa ka 13-anyos nga bata sa isa ka lugar diri sa probinsya sang Negros Occidental.
Ginpahayag nga mga las 2 sang kaagahon sadtong Pebrero 15, ginsulod sang duha ka mga tawo nga naka jacket kag nakatabon sang guya ang balay sang biktima.
Una nga gin-gapos kag ginbaklid sang mga suspek ang iloy kag ang 10-anyos nga utod sang biktima, lakip na ang pag-busal sang ila mga bibig rasun nga wala ini sila nakasinggit.
Suno sa imbestigasyon, nagpang-ukay pa sang mga kagamitan sang panimalay ang duha ka suspek kag ila nakuha ang kwarta sang iloy sang biktima nga kapin P500 pesos lakip na ang guba-on niya nga cellphone ang nadali pa.
Matapos sini, ginsulod sa kwarto sang mga suspek ang biktima, gin-gapos kag ginbutangan sang piring ukon blindfold ang mata sini kag gindala sa gwa sang ila balay.
Sa idalum sang puno sang mangga ginbulos-bulusan rape sang mga suspek ang biktima.
Suno sa biktima, indi niya makilala ang nawong sang mga mga suspek kag ang tingog sini bangud ginahungod nila lain.
Sa resulta sang ginpatigayon nga medical examination, nag-gwa nga positibo nga gin rape ang biktima.
Angut sini, nagapati ang amay sang biktima nga taga dira manlang sa ila lugar ang mga suspek./ (Hu
