BACOLOD CITY – Ginpanginwala sang babayi ang akusasyon sang isa ka senior citizen nga siya ang nagkuha sang mga alahas kag cash niya sini sadtong nagligad nga Pebrero 1 sa iya balay sa 18th Galo Street, Bacolod City.
Si Mildred Gepilga, legal ang edad kag pumuluyo sang Brgy. 26, Bacolod City ang nagsabat sang reklamo pinaagi sa pagpa blotter sa Police Station 1 kag gina-deny ang akusasyon ni Consolacion Sejo, 68 anyos ang edad kag pumuluyo sang 18th Galo Street, ciudad sang Bacolod.
Nahibaluan nga si Mildred ang sadto boarder ni Consolacion, kag suno sa iya, indi matuod ang akusasyon sang iya anay land lady bangud nga Oktubre pa lang wala na siya naga board sa balay sini.
Ginklaro pa ni Mildred nga indi man mahimo nga siya ang nagkuha bangud nga sang February 1 ini siya ang yara sa iya sa bata sa La Consolacion-Bacolod (LCCB).
Madumduman nga sang nagligad nga semana, nagpablotter si Mrs. Sejo nga nadula ang iya kulintas nga nagabalor 45 mil pesos, aritos nga naga bili 2,500 kag cash nga kapin 20 mil pesos.
Gintudlo sang sini nga senior citizen nga ang nagkuha sang iya mga alahas kag kwarta amo si Mildred./dyHB BACOLOD
