SILAY CITY – Ginbawian sang iya kabuhi ang 48 anyos nga si Felizardo Tingson , residente sang Hacienda Camandero Dos, Barangay Guinhalaran matapos ini nga ginlabo pasado alas 5 Sabado sang hapon.
Ang suspetsado nga naglabo sa biktima amo si Bob Tabiros, 40 anyos sang amo man nga lugar.
Sa imbestigasyon sang kapulisan , naglalisay si Tingson kag Tabiros, gani ginlabu sini ang biktima nga nag-angkon sang madamo nga mga kapilasan sa nagkalain lain nga parte sang iya nga lawas nga nagresulta sang iya kamatayon.
Narecover naman sang mga kapulisan sa crime scene ang 24 pulgadas nga kalabaon sang binangon nga amo ang gingamit sang suspetsado sa paglabu sa biktima.
Ang kaso nga murder ang ginahanda na batuk sa suspetsado samtang ini ang nahunong sa custodial facility sang Silay City Police Station.
