TOBOSO, NEGROS OCCIDENTAL – Padayon karon nga gina usisa sang mga utoridad ang motibo kon nga-a hinali na lamang nga ginlabo sang isa ka suspek ang biktima sa Sitio Canubgan, Brgy. Bandila, banwa sang Toboso mga la una sini gid lamang nga kaagahon.
Nakilala ng biktima nga si Willy Salazar, 20 anyos, single kag pumuluyo sang amo nga lugar.
Suno sa imbestigasyon, ang biktima upod ang iya abyan nga si Rogelio Salazar ang nagalakat sa dalan kag buot na kuntani nga magpauli sa ila balay sang hinali na lamang nga nag-abot ang suspek nga si Remedios Abdon, 50 anyos, single kag pumuluyo man sang amo nga lugar.
Pahayag sang biktima nga nakibot na lamang sila sang ginlabo ini sang suspek kag naigo sa iya ulo na nagresulta naman sang pagkasamad.
Gindala sa Vicente Gustilo District Hospital ang biktima agud mabulong, samtang suspek naman ang nakapalagyo./ Not the actual photo
