CALATRAVA – WAla na sang kabuhi sang masapwan ang isa ka lola sa banwa sang Calatrava sa diin may naka-angkon ini sang patal sa pilas sa iya nga puwak tuga sang paglaslas.
Ang biktima amo si Rebeca Bracamonte, 61 years old, residente sang Sitio Caridad,Brgy. Patun an, Calatrava.
Nahibalu-an nga pasado alas-4 kahapon sang hapon sang nagpanangkong si Lola Rebeca apang pasado 6:30 kagab-e nasapwan nalang ini nga patay sa diin gin-laslas na ang li-og sini.
Ginhingagaw pa dala ini sang iya bana sa Calatrava District Hospital ang biktima apang gin-declare nga dead on arrival sang attending physician.
Samtang, padayon pa ang imbestigayon sang Calatrava PNP kon sin-o ang suspek kag kon ano ang motibo sang krimen bangod bisan ang bana ang indi makapati nga himuon ini sa iya asawa.
