Pagtabang sa nanganak sulod sa taxi gidayeg

36

Davao City – Mi-ani og pagdayeg gikan sa netizens ang insideteng pagpanganak sa usa ka mabdus sa usa ka taxi pasado alas-11 kagahapong adlawa (December 3, 2020).

Maayo na lang kay duol na sa Central 911 Sandawa Station ang gisakyang taxi niini rason nga dali kining natabangan sa medic team.

Daling girespondehan sa Central 911 team ang babae diin pinaagi ni Dr. Jallil Ken Dayo, nga maoy duty doctor sa 911 Emergency Medical Dispatch (EMD) and Telemedicine, napaanak ang babae sulod sa sakyanan.


Misaludo ang netizen nga si Ethel Villarte nga tungod sa pagtabang sa doktor ug wala nahimong babag ang sitwasyon sulod sa sakyanan.

“Sana all, ingon ana tanan doctor. Dili kay balibaran atol sa critical na sitwasyon. Good job po sa inyo doc!,” comment ni Villarte.

Aduna usay miingon nga swerte ang taxi nga naanakan ug gipasalamatan ang pagtabang sa medical team.



“Buenas kaayo neng taxi kay dha ge anak ang bb, congrats sa inyoha, sa mama ug sa bata, salamat pud EMS unit, god bless,” kumento sa netizen nga si Bam Bam.

Human sa pagpanganak gidala gilayon ang babae ug ang baby girl niini sa ospital sa naka standby nga ambulansya.


RadyoMaN Kirby Manzon

Facebook Comments