Davao City – Nahimong pinasahi ang pinaka unang Ginoong Davao 2019 diin nakuha ang maong titulo ni Kyle Emmanuel Gaite, 20-anyos atol sa Grand Finals sa maong event kagabii sa Davao City Recreation Center o kanhi Almendras Gym ning syudad sa Davao.
Kini human nga gi-agi og interview ug fast talk ang mga kandidato pinaagi sa usa sa mga banggiitang judges nga si King of Talk, Boy Abunda.
Una pa man sa Question and Answer portion, nagtigi una ang 15 ka mga kandidato sa Active wear ingon man Formal wear competition hangtud nga gi-anunsyo ang top 3 nga misalang sa interview ug fast talk diin mi-stand out ang tubag ni Kyle Emmanuel sa pangutana ni Boy Abunda kung unsa ang mamahimong kontribusyon niini sa syudad ingon man sa nasud diin mi-sentro ang iuyang tubag sa pagtutok ug paghatag og pagtagad sa mga ‘underprivileged children’.
“As Ginoong Davao 2019, what I can contribute to Davao is my advocacy for the underprivileged children of Davao City because I strongly believe that if you want Davao City to progress you must focus on the grassroots level and that is the children of Davao City,” tubag niini.
Gideklara usab isip 1st runner up Cyriel Laurence Rosil ug 2nd runner up Abraham Yahya sa Ginoong Davao 2019 nga usa sa mga dagkong aktibidad sa kabahin sa 82nd Araw ng Davao karong tuiga.
RadyoMaN Kirby Manzon
