GINPAPULI | Mga aeta’s nga nagalihu-lihu sa siyudad, ginpangtipon kag ginpapuli sa Mindanao

11

Naglab-ot sa 70 tanan ka mga aeta nga ginalakipan sang 34 ka mga kabataan kag 36 ka mga hamtong ang natipon sang Public Safety and Transportation Management Office ukon PSTMO kahapon.
Ginpahayag ni PSTMO head Jeck Conlu nga gin-reach out nila ang mga aeta nga nagalihu-lihu sa siyudad kag gintipon kag gindala sa pasilidad sang CSWDO agud maatipan sang maayo.

Katuyuan sini nga matinluan ang siyudad sa mga nagalinagaw nga mga indigenous people kag agud indi man mabutang sa risgo ang ila kabuhi.

Subong man, ginpahayag ni Conlu nga nagpangabay ang mga aeta nga ila natipon nga buligan na lamang sila nga makasakay sa barko sa Dumangas agud magpuli sa ila lugar sa Mindanao.

Bangud sini, gilayon man nga gindul-ong sang PSTMO ang mga aeta kag ginpasakay sa RORO pabalik sa Mindanao.

Nahibaluan nga bisan diin-diin lang nagatulog ang mga aeta kag nagalihu-lihi kag nagapangayo-kayo sa bisan sin-o nga ila masugata.

Facebook Comments