Roxas City, Capiz- Isa ka establisemento komersyal sa Fuentes Drive, Roxas City ang nasampolan sang city government matapos ini ang napaslawan nga makaproseso sang Mayor’s kag Business Permit.
Ginpapanaugan sang closure order sang Roxas City Business Permit and Licensing Office ang isa ka *carwashan* kag ang bag-o operate nga bar nga ginapanag-iyahan ni Mr. Russel Diaz.
Samtang ang mga ini ang ginhatagan sang duha ka semana agud nga i-proseso ang ila business kag mayor’s permit. Suno kay Economic Consultant Mrs. Carmen Andrade, nahatagan nila sang bastante nga tiun ang tag-iya sang nasambitan nga establisemento komersyal agud maproseso ang nagakaigo nga mga requirements apang napaslawan ang mga ini kabangdanan nga napilitan ang city government nga ini ang temporaryo ipasara. photo © Roxas City Information Center images
