ILOG, NEGROS OCCIDENTAL – Wala gid naglaum ang isa ka lalaki nga magaresulta sa pagbuno sa iya ang ginhimo sini nga pagsaway sa iya manghod nga indi na mag-inom kagab-i sa banwa sang Ilog, Negros Occidental.
Ang biktima ginkilala kay Romeo Ilagison, 68 anyos ang edad, pumuluyo sang Brgy. Cali, Ilog, samtang ang suspek naman nga utod sang biktima ang nakilala kay William Ilagison kag pumuluyo man sang amo nga lugar.
Suno sa biktima nga may mga las 7 kagab-i, nakita niya nga hubog ang iya manghod gani ginsaway niya ini nga mag-untat na sang inom.
Apang, imbes nga magpamati nagkuha pa sang kutsilyo ang suspek kag ginlabo ang iya magulang.
Naigo sa tuo nga kilid sang iya tiyan ang biktima nga gindala sa Corazon Locsin Montelibano Memorial Regional Hospital, samtang ang suspek naman ang nagpalagyo matapos ang insidente./dyHB BACOLOD
