HINIGARAN, NEGROS OCCIDENTAL – Isa ang natiruhan isa man ang nasalabat matapos nagpalagyo ang subject nga pagaserbihan kuntani warrant of arrest sang pulis kahapon sang hapon sa Brgy. 1, banwa sang Hinigaran.
Nakilala ang suspek nga si Joefil Limen, 21 anyos ang edad, soltero kag pumuluyo sang Purok San Manuel, Brgy. 1, Hinigaran, samtang ang nasalabat naman smo si Richard Gilbore, 38 anyos ang edad, pumuluyo man sang amo nga lugar.
Suno sa HInigaran Municipal Police Station, mga las 4:30 kahapon sang hapon, ini sila ang nagpadulong sa balay ni Limen agud nga i-serbe ang warrant of arrest.
Apang, nagbuko nga magpalagyo ang suspek gani nag warning shot ang pulis, apang wala ini nagpundo rason nga napilitan ang mga utoridad nga tiruhon na lamang ini. Naigo sa iya tuo nga paa si Limen samtang ang nasalabat nga si Gilbore ang naigo man sa iya tuo nga tiil.
Ang duha padayon karon nga ginabulong sa Corazon Locsin Montelibano Memorial Regional Hospital./dyHB BACOLOD
