NEGROS ORIENTAL – Gin-ako sang Leonardo Panaligan Command sang New People’s Army, Central Negros Guerilla Front ang pagpatay sa isa ka CAFGU sadtong nagligad nga Sabado, Marso 17 sa Guihulngan, Negros Oriental.
Suno sa spokesperson sang Panaligan Command sang NPA nga si Ka JB Regalado, ginsultan sang Rebolusyonaryong Korte sang Pumuluyo si Petro Escuadro may mga las 8 sang aga sa Sitio Tampa, Brgy. Villegas, Guihulngan.
Ginpahayag sang NPA nga si Escuadro ang may standing order sa rebolusyonaryong hublag sadtong tuig 2007 pa bangud sang madamo niya nga kaso kriminal kaangay sang pagpatay kag kontra-hublag nga mga kalakasan.
Pahayag ni Ka JB nga si Petro ang isa ka legitimate nga miligary target ang NPA sa ciudad sag Guihulngan kon diin ila napamatud-an nga ini siya amo ang responsible nga nagtiro patay sa tatlo ka mga biktima sa separado nga mga insidente sang tuig 1988, 1989 kag 1995./dyHB BACOLOD
