Tapaz, Capiz- Patay ang 37-anyos nga mister matapos nga ini ang ginluthang samtang yara sa ila poluy-an alas 9:30 sang gab-e sa Brgy. Malitbog banwa sang Tapaz.
Ginkilala ang biktima kay *Ariel Zonio y Garmino* sang nasambitan nga lugar nga nag-angkon sang patal nga pilas sa iya likod lapos sa dughan.
Ini ang gindeklarar nga dead on arrival sang gindangat sa Tapaz District Hospital.
Gilayon man nga naarestar sang mga kapulisan ang ginatudlo nga suspek nga si *Joseph Literato y Ceralvo,* 49-anyos matapos nga ini ang positibo nga ginkilala sang anak sang biktima.
Nagaguha sa imbestigasyon sang mga kapulisan nga nagapreparar na nga magtulog ang mag-amay sang nagpanawag ang suspek.
Didto nagguha si Zonio kun sa diin nagluntad ang komprontasyon sa tunga nila sang suspek nga ginsundan sang pila ka mga lupok sang armasluthang.
Narekober sang mga otoridad ang apat ka mga baseyo sang .45 caliber pistol kag isa ka slug.
Sa subong padayon pa ang imbestigasyon sang mga kapulisan sa amo nga insedente.
