TALISAY CITY, NEGROS OCCIDENTAL – Lalaki ginbuno sang iya man lamang kaupod sa ilimnan kagab-i sa Brgy. Efigenio.Lizares, Talisay City.
Nakilala ang biktima nga si Rey Tizon, 41 anyos ang edad, kasado kag pumuluyo sang Brgy. Vista Alegre, Bacolod City, samtang ang suspek naman ginkilala kay Allan Belleza, 33 anyos ang edad, kasado kag pumuluyo naman sang Brgy. Andres Bonifacio, Cadiz City.
Suno sa report, may mga las 10:30 kagab-i sa Had. Busay, Brgy. E. Lizares, ang biktima kag ang suspek lakip na ang duha nila ka kaupdanan sa trabaho ang naga-inom inom sang may natabo nga paglinalisay sa tunga nila.
Ginpahayag nga sang naglisensya na ang biktima nga magtulog, ini siya ang ginsundan sang suspek kag ginbuno, igo sa iya wala nga kamot.
Gilayon nga naaresto ang suspek ka detained karon sa custodial facility sang Talisay City Police Station./dyHB BACOLOD
