HIMAMAYLAN, NEGROS OCCIDENTAL – Gindeklarar dead on arrival ang biktima sang pagpangluthang sa Brgy. Talaban, ciudad sang Himamaylan mga las 10:30 kagab-i, Enero 1.
Nakilala ang biktima nga si Danilo Dulce, 30, pumuluyo sang Sitio Batang, Brgy. Talaban sang amo nga ciudad.
Suno sa live-in partner sang biktima, may nagtawag kay Danilo sa gwa sang ila balay gani ini siya ang nag-gwa agud lantawon kon sin-o ang nagatawag sang iya ngalan.
Apang, nakabati na lamang sang lupok ang live-in sang biktima kag sang iya pag-gwa didto kag iya nakita ang biktima nga nagahuray-ad na kag may igo sa iya li-og.
Matapos ang pagpangtiro, gilayon nga nagpalagyo ang wala ginhingadlan nga suspek.
Samtang, ang biktima naman ang dali-dali nga gindala sa ospital apang ini siya ang gin-declare dead on arrival sang attending physician sang amo nga bululngan.
