KABANKALAN CITY, NEGROS OCCIDENTAL – Patay ang isa ka lalaki matapos nga ini ang gintiro sang suspek bangud gid lamang sang daan nga dumot kaina sang aga sa ciudad sang Kabankalan.
Nakilala ang biktima nga si Alejandro Donesa, 41 anyos ang edad, kasado kag pumulyo sang Sitio San Jose, Brgy. 6, Kabankalan City.
Ang suspek naman ginkilala kay Emiliano Gregory, 61 anyos ang edad, kasado kag pumuluyo sang Purok Mangga, Brgy. 6 sang amo man nga ciudad.
Suno sa imbestigasyon sang Kabankalan City Police Station, natabo ang insidente las 6 sini gid lamang nga aga sa Purok Star Apple, Brgy. 6 sang amo nga ciudad.
Ang imbestigasyon nagaakita nga ang daan nga dumot ang rason kon ngaa- gintiro sang suspek ang biktima nga naigo gid sa iya ulo.
Gindala pa sa ospital ang biktima apang ini ang gin-declare dead on arrival sang attending physician, samtang ang suspek naman ang boluntaryo nga nagsungka kag yara karon sa kustodiya sang Kabankalan CPS./dyHB BACOLOD
