BACOLOD CITY – Narecover sang katapo sang Police Station 2 ang katunga sang 30 ka mga manok nga gintuklo sang isa ka lalaki sa isa ka trak nga nagadeliver sang buhi nga broiler chicken.
Nakilala ang suspek kay Glen Olvidado, 29 anyos, soltero sang Purok Lampirong, Barangay 2.
Las 5 sang hapon kahapon, sang ang driver nga ginkilala kay Eduardo Navarro, 50 anyos, may asawa sang Purok Maghiliugyon, Barangay 35 ang naglabay sa Purok Lampirong sang gulpi lang may nagtaklas nga lalaki sa iya trak.
Gulpi lang nga ginpanghunos sini ang duha ka ‘crate’ nga may unod nga tag 15 ka bilog kada isa nga nagabalor tanan sang P3,500 pesos.
Sa amu nga tion, may dala siya nga 1,500 tanan ka 45 days nga manok.
Ginreport nya ini sa pulis sa diin ginpatigayon ang operation sa pagpanguna ni PSInsp. Richard Lao.
Narecover kay Olvidado ang 15 nalang ka mga manok sa diin indi na malocate ang iban.
Detained sa Station No. 2 ang suspek kag natalana nga pasakaan sang kaso. / Station 2 photos
