General Santos City- Human ang pagka-rekober sa mga bomba nga gituuhang iyaha sa mga terorista sa may Tacurong Sultan Kudarat, subling nagpahimangno ang kasundaluhan sa Gensan ngadto sa katawhan sa padayong pag-igmat og tabangan ang otoridad sa pagbantay.
Sumala pa ni Col. Adonis Bajao- commander sa Joint Task Force Gensan, kinahanglan ang tabang sa katawhan aron nga mabantayan ang lihok sa mga terorista nga posibleng musulod sa syudad.
Apan sumala pa ni Col. Bajao nga dili lang angayang maalarma ang katawhan sa syudad og himoon ang normal nga gimbuhaton sa matag adlaw tungod anaa man usab ang kasundaluhan nga padayon sa pagmonitor sa palibot.
Facebook Comments
